ដំណោះស្រាយ​ជុំវិញ​កម្មវិធី Internet Download Manager ដាក់​ឱ្យ​ដំណើរការ​បាន​នៅ​លើ Firefox នៅ​ទំព័រ​មុន Sabay ធ្លាប់​បាន​បង្ហាញ​ជូន​ប្រិយមិត្ត​ម្ដង​រួច​មក​ហើយ។ ដោយ​ឃើញ​មតិ​ប្រិយមិត្ត​មួយចំនួន​នៅ​លើ​អត្ថបទ​មុន ស្នើសុំ​ដល់ Sabay បង្ហាញ​ប្រាប់​ពី​របៀប​ដាក់ IDM ឱ្យ​ដំណើរការ​បាន​នៅ​លើ​កម្មវិធី Chrome ដែរនោះ ដូច្នេះ​ទំព័រ​ចុង​សប្ដាហ៍​នេះ យើង​ខ្ញុំ​សូម​ធ្វើ​ការ​បង្ហាញ​ពី​របៀប​ដំឡើង​ធ្វើ​យ៉ាង​ម៉េច​ឱ្យ IDM បង្ហាញ​របារ​ទាញ​ download នៅ​លើ Google Chrome ដូច​តទៅ។
គន្លឹះ៖ ធ្វើ​ម៉េច​ទៅ​ទើប​ដឹង​ថា​គណនី Facebook អ្នក​ត្រូវគេ​លួច​ប្រើ​ឬ​អត់?
មិន​ខុស​អី​នឹងការ​​ដាក់ IDM ឱ្យ​ដំណើរការ​នៅ​លើ Firefox នោះ​ទេ។ ក្រោយ​ពី​ដំឡើង Internet Download Manager បាន​ពេញលេញ​ឬ full អស់​ហើយ តែ​នៅ​ពុំ​ឃើញ​របារ​ឱ្យ​ទាញ​យក​ខណៈ​ពេល​កំពុង​បើក​មើល​វីដេអូ​នោះ គឺ​ត្រូវ​ការ Add On ដូច​គ្នា។ ដើម្បី​បំបាត់​ចម្ងល់​សូម​តាមដាន​ជាមួយ Sabay តាម​ជំហាន​ខាង​ក្រោម៖
១. ចាត់​ទុក​ថា ​ប្រិយមិត្ត​កំពុង​ប្រើ Google Chrome version 31.0.1650 តែ​មិន​ដំណើរការ​ជា​មួយ IDM ដោយ​សារ version file Add-on ដែល​មាន​ឈ្មោះ​ថា IDMGCExt ឬ IDM Integration ទាប​ អីចឹង​ហើយ​ត្រូវ​បាន disable ឬ​ខ្លះ​មិន​មាន​នៅ​លើ​កម្មវិធី Chrome តែ​ម្ដង​បើ​ទោះ​បី​បាន​ដំឡើង IDM បាន​ full ហើយ​ក៏​ដោយ។
គន្លឹះ៖ ដឹង​អត់​ថា ​Google Translate ​ក៏​ចេះ​ធ្វើ​ Beatbox ​ដែរ?
ប្រសិន​ពុំ​ទាន់​មាន Internet Download Manager អាច​ ចុច​ត្រង់​នេះ ដើម្បី​ទាញ​យក IDM version: 6.18
ដូច្នេះ​ប្រិយមិត្ត​ត្រូវ​ដំឡើង file Add On “IDMGCExt” ដែល​មាន​ទំហំ​ប្រហែល 100KB ប៉ុណ្ណោះ។ សូម​ ចុច​ត្រង់​នេះ ដើម្បី​ទាញ​យក …
២. ក្រោយ​ពី​ទាញ​យក​ឯកសារ IDMGCExt រួច​សូម​បើក​កម្មវិធី Chrome ហើយ​ចូល​ទៅ​កាន់ Settings របស់ Chrome។ ផ្ទាំង Settings នឹង​បើក​ឡើង ត្រង់​នេះ​សូម​ចុច​លើ Show advanced settings… រួច​ដក​ធីក​ពី Enable phishing and malware protection។
៣. ក្រោយ​ធ្វើ​តាម​ជំហាន​ទី១ និង​ទី២ រួច​ហើយ សូម​ចូល​ទៅ Tools → Extensions របស់ Chrome។ ត្រង់​នេះ ប្រសិន​ប្រិយមិត្ត​ឃើញ​មាន IDM Integration ស្រាប់ គ្រាន់​តែ​ចុច Enable ជា​ការ​ស្រេច។ ដោយ​ឡែក​ប្រសិន​មិន​ឃើញ ត្រូវ​ការ​ប្រើ file Add On ដែល​បាន​ទាញ​យក​នៅ​ជំហាន​ទី១។ សូម​ចាប់​ទម្លាក់ file “IDMGCExt” ចូល​ទៅ​កាន់​ទីតាំង extensions រួច​ចុច​លើ​ប៊ូតុង Add ជា​ការ​ស្រេច។
ប្រិយមិត្ត​សាកល្បង​បើក​វីដេអូ​នៅ​លើ youtube ម្ដង​ទៀត​មើល៍ តើ​ចេញ​របារ​ឱ្យ​ទាញ​យក​ហើយ​ឬ​នៅ?
គន្លឹះ៖ ដាក់ Internet Download Manager នៅ​លើ Firefox ឱ្យ​ដើរ​បាន​មាន​អី​ពិបាក
បន្ត​ស្វែងយល់​គន្លឹះខ្លីៗ​ជា​ច្រើន​ទៀត សូម​ចុច​ត្រង់​នេះ …

ដោយ៖ ឈុន ហួរ